Геннадий Головкиннің келесi жекпе-жегi 16 мамырда өтуi ықтимал
АСТАНА. ҚазАқпарат - Орта салмақтағы (72,6 кг дейiн) WBA/IBO/WBC Interim чемпионы Геннадий Головкиннiң (32-0, 29 КО) келесi кездесуi алдын ала мәлiметтер бойынша 16 мамырда АҚШ-та өтедi деп жоспарлануда және мiндеттi түрде НВО телеарнасы арқылы көрсетiлмек.
Бұл туралы K2 Promotions компаниясының директоры Том Леффлер мәлiм еттi.
"Геннадийдiң Сан-Антониода жанкүйерлерi көп. Олар бiздi өз қалаларында жекпе-жек өткiзудi сұрауда. Лас-Вегас та жақсы болар едi. Нью-Йоркте бiз тәп-тәуір жарнама жасап кеттiк. Ендi елдiң әр түкпiрiне барып, жұдырықтасуға болады", - деп атап өттi ол.
Еске сала кетейiк, қазақстандық боксшы 2015 жылы 4 кездесу өткiзбекшi.
