Германия коронавирусты тегін тексеру тестін өткізбейтін болды
Ел билігі бұл қадамға адамдарды вакцина салдыртуға түрткі болуы үшін барды. Шектеу денсаулығына байланысты екпе салдырта алмайтындарға қатысы жоқ. Германияда наурыз айында басталған вакциналау қарқыны мардымсыз болды, соңғы апталарда тіпті баяулады.
Ал вакциналау деңгейі ел бойынша ең төмен болған шығыстағы Тюрингияда екпе салдыртқандардың барлығына грильде пісірілген шұжық таратылып жатыр.
Ұлыбритания тұрғындары арасында вакцинаның тиімділігіне қатысты теріс пікір бар. Ел билігі ересек тұрғындардың коронавирусқа қарсы препараттың екі дозасын салдырту межесін қалыпты өмірге оралу жолындағы маңызды қадам деп отыр.
Өз кезегінде Литва тұрғындары вакцина салдырғандарды марапаттауға қатысты наразылық білдірді. Вильнюс билігі қарсылық танытқандарға қатысты жаңа шектеулер енгізуді жоспарлап отыр. Атап айтқанда, қыркүйектің ортасынан бастап екпе салдыртпағандар коронавирус жұқтырып алу жағдайында тегін емделу құқығынан айырылады.
Осы арада, 300-ге жуық ерікті медицина қызметкер теңізге қарай жол жүріп жатыр. Олар Мартиникика мен Гваделупаға ұлттық тілектестік рухын қолдап, жұқтыру оқиғалары санының өсуімен күрес жүргізуге баратындарын айтты. Францияның теңіз аумақтары COVID-19 вирусының жаңа толқынымен барынша күрес жүргізіп жатыр.