Германия полициясы қарулы әйелге іздеу жариялады
АСТАНА. ҚазАқпарат - Германия полициясы Кёлн қаласындағы Жұмыспен қамту бюросы ғимаратын қарулы әйел жүр деген хабарламаға байланысты тексеруге алды, деп хабарлады ВВС агенттігі.
Жергілікті БАҚ-тың хабарлауынша, жұмыс іздеуге келген бір топ шетелдік қоқан-лоққы жасағандықтан тәртіп сақшыларына бюро қызметкерлері шағымданған.
Полиция оларды ұстаған кезде, қарулы әйел туралы хабар түскен. Алайда, ол жалған ақпарат болды, дегенмен полиция тексеру жұмыстарын жалғастырды.
