Германияда A(H1N1) тұмауымен ауырғандардың саны 3,3 мыңнан асты
АСТАНА. Шілденің 28-і. ҚазАқпарат - Германияда өткен аптада A(H1N1) вирусын жұқтырғандардың саны екі есеге өсті, тәулігіне жүздеген адам вирусты жұқтыруда,
деп хабарлайды ҚазАқпарат РБК агенттігіне сілтеме жасап.
Атап айтқандай, аптаның соңында бір тәулікте 500-дей жаңа оқиға тіркеліп, індетті жұқтырғандардың саны, шілденің 24-індегі жағдай бойынша 3 мың 349 адамды құраған.
A(H1N1) вирусы екі айда дүниежүзіне тарап отыр. Дүниежүзілік денсаулық сақтау ұйымының мәліметтері бойынша, бүгінгі күні жаңа індетті жұқтыру оқиғалары әлемнің 160 елінде тіркелген.
