Германияда бір тәулікте 2 мыңнан аса адамнан коронавирус анықталды

НҰР-СҰЛТАН. ҚазАқпарат – Германияда коронавирус жұқтырғандар саны өсті, деп хабарлайды ҚазАқпарат dw.com сайтына сілтеме жасап.

Германияда өткен тәулікте 2034 коронавирус жұқтырған. Бұл сәуір айының соңынан кейінгі жоғары көрсеткіш.

Вирус жұқтырғандар саны елдің батысы мен оңтүстігінде, сондай-ақ Берлинде көп тіркелген. Соңғы мәліметке қарағанда, вирус басталғаннан бері коронавируспен 232 082 адам ауырып, одан 9267 адам көз жұмған.