Германияда қаскөй пойызда бірнеше адамға пышақ салды
АСТАНА. ҚазАқпарат - Германияның Графинг қаласында әлдекім электр пойызындағы жолаушыларға пышақ ала ұмтылды. Куәгерлердің айтуынша, қаскөй вагон ішінде бір адамды жаралап, сыртқа шығысымен өтіп бара жатқан екі адамға ұмтылған.
Олардың бірі ауыр жарақаттанып, ауруханада қаза тапты. Германиядағы меншікті тілшіміз Шолпан Найманбаеваның айтуынша, қазір қаскүнем қолға түскен, деп жазады 24.kz.
Ол 27 жастағы Германия азаматы болып шықты. Жергілікті полиция өкілдері қылмыскерді радикалдық топтың мүшесі болуы мүмкін деген болжам айтуда. Тергеу амалдары жүріп жатыр.
