Германиядағы газ қоры рекордтық деңгейге жетті
БЕРЛИН. ҚазАқпарат - Германия газ қоймалары шекті деңгейге дейін толтырылған. Ондағы газ көлемі тарихи максимумға жетті, деп хабарлайды ҚазАқпарат DW-ге сілтеме жасап.Неміс газ қоймаларындағы табиғи газ қоры рекордтық деңгейге жетті.
Еуропалық газ сақтау операторлары жариялаған мәліметтерге сәйкес, 24 қазанда 239,64 тераватт-сағат көлемі жинақталды және осылайша 2019 жылдың 10 қарашасындағы алдыңғы рекордтан асып түсті, ол кезде 239,62 ТВт. сағ тіркелген болатын.
«Өткен аптаның дүйсенбісінен бастап Германияда газ қоры рекордтық деңгейде», - деді INES (Initiative Energien Speichern) салалық бірлестігінің атқарушы директоры Себастьян Блешке (Sebastian Bleschke).
Содан бері бұл көрсеткіш, 29 қазандағы алдын ала мәліметтерге сәйкес, 241,62 ТВт. сағ дейін өсті.
Салыстырмалы түрде, Федералды желілік агенттіктің мәліметі бойынша, Германияда 2022 жылдың қаңтары мен ақпанында барлығы 227 тераватт-сағатқа жуық табиғи газ тұтынылған.
Фото: www.dw.com
