Германияның солтүстігінде A/H1N1 тұмауының салдарынан мектептер жабылуда

АСТАНА.  Қыркүйектің  3-і.  ҚазАқпарат -    Германияның  Солтүстік  Рейн-Вестфалия    жерінің     қалаларында,  оның ішінде Кельн   де бар,    оқушылардың A/H1N1  тұмауымен  ауыру  фактілеріне байланысты   ондаған  мектептер  жабылуда, 

деп  хабарлайды  ресейлік  «Жаңалықтар» агенттігі.

Солтүстік  Рейн-Вестфалия    жерінің Дюссельдорфтағы     денсаулық сақтау министрлігінің    өкілі   хабарлағанындай, Кельн,  Кройтал, Унна  қалаларындағы бірқатар  мектептер  жабылғаннан кейін,     жаңа тұмау  фактілері   тіркелген    бірнеше   шағын қалада        тағы   төрт мектеп   жабылуда.

Шолушылар,   Солтүстік  Рейн-Вестфалия   жерінің  үкіметі   A/H1N1  тұмауының  таралуының алдын  алу  шарасы  ретінде  жазғы демалысты  ұзартудан бас тартқанын     еске салып отыр.  Қазіргі уақытта Солтүстік  Рейн-Вестфалия   жерінде,  денсаулық сақтау министрлігінің  мәліметтері  бойынша,    ересектер  мен   балалардың  A/H1N1 вирусын жұқтыруының 5 105 оқиғасы тіркелген.    Ал  жалпы  Германияда  16 261 адамнан вирус  анықталып отыр.