ГФР-дың бұрынғы Федеральды канцлері: Қазақстан қоғамының батыл да қарыштап дамуы Н.Назарбаевтың атымен байланысты
АСТАНА. ҚазАқпарат - Елбасы Нұрсұлтан Назарбаев Германияның бұрынғы Федеральды канцлері Герхард Шредермен телефон арқылы әңгімелесті.
Бұл туралы Ақорданың баспасөз қызметі хабарлады.
Әңгімелесу барысында Нұрсұлтан Назарбаевты ГФР-дың бұрынғы Федеральды канцлері туған күнімен құттықтап, денсаулық және жаңа табыстар тіледі.
Герхард Шредер Қазақстан қоғамының батыл да қарышты дамуы, кең ауқымды реформалар және ұлттың әл-ауқатының артуы Нұрсұлтан Назарбаевтың атымен байланысты екеніне назар аударған.
Телефон арқылы әңгімелесуге герман тарапы бастамашы болды.
