Ғылым және жоғары білім министрлігі ЖОО үздік оқытушысы атағына конкурс жариялады

АСТАНА. KAZINFORM – ҚР ҒЖБМ «Жоғары оқу орнының үздік оқытушысы» атағын беру бойынша конкурс жариялайды.

«Бұл конкурс ең үздік педагогикалық тәжірибені анықтауға бағытталған және 2015 жылғы 16 наурыздағы № 124 бұйрыққа сәйкес өткізіледі.

Конкурсқа ҚР азаматтары, ЖОО-ның штаттық оқытушылары қатыса алады. Қатысушының кемінде бес жылдық үзіліссіз ғылыми-педагогикалық өтілі болуы қажет», — деп жазды ведомстводан.

Құжаттарды тапсыру мерзімі: 2024 жылғы 1 қарашасынан 11 қарашаға дейін жалғасады.

Айта кетейік, бұған дейін Қорғаныс министрлігі ЖОО-да тегін оқуға грант алған мерзімді әскери қызметшілерінің тізімін жариялады.