Гиннесс рекорды: әлемдегі 16 жолақты ең кең көше қай елде
АСТАНА. KAZINFORM – Қала орталығында жол салу үшін ондаған мың шаршы метр жылжымайтын мүлікті бұзуға тура келген. Аргентина астанасы Буэнос-Айрестегі Avenida 9 Julio әлемдегі ең кең көше ретінде Гиннестің рекордтар кітабына енгізілді. Бұл көше ені 140 метрді алып жатқан 16 жолақтан тұрады.
Буэнос-Айрес «Оңтүстік Американың Парижі» деп аталады, сондықтан жергілікті билік инфрақұрылымның монументалды бөлігін салу арқылы осы беделді нығайтуға шешім қабылдаған. Әйгілі француз даңғылынан екі есе кең болатын қала орталығы арқылы өтетін тас жол салу идеясы осылай пайда болды.
Үлкен жобаның аяқталуына жарты ғасыр уақыт қажет болған. Кең даңғыл жасау үшін құрылысшылар орталықтағы 60 мың шаршы метр жылжымайтын мүлікті бұзып, мыңдаған тұрғынды өзге жерге қоныстандыруға мәжбүр болды.
Қазір даңғылда 16 жолақ бар, оның ішінде төрт жолақ қоғамдық көліктерге арналған.
