«ГНПФ» жинақтаушы зейнетақы қоры» акционерлік қоғамының директорлар кеңесіне жаңа төрайым сайланды
АСТАНА. Мамырдың 29-ы. ҚазАқпарат - «ГНПФ» жинақтаушы зейнетақы қоры» акционерлік қоғамы Директорлар кеңесінің 2009 жылғы мамырдың 15-індегі шешімімен Қордың Директорлар Кеңесінің Төрайымы лауазымына Дина Ғалиева сайланды.
ҚазАқпаратқа бұл туралы акционерлік қоғамның баспасөз қызметінен хабарлады. Қор акционерлерінің 2009 жылғы сәуірдің 29-ында өткен жалпы жиналысының шешімімен, Дина Ғалиева Қазақстан Республикасының Ұлттық Банк Төрағасының орынбасары - Қор акционерінің өкілі ретінде Директорлар кеңесінің құрамына кірген еді. Д.Ғалиева Қазақстан Республикасы Президентінің шешімімен 2009 жылғы наурыздың 3-інен бастап Қазақстан Республикасының Ұлттық Банк Төрағасының орынбасары лауазымын атқарып келеді.
