Golden Foot сыйлығы үшін күресте қақпашы Касильяс Месси мен Роналдуды артқа тастады

АСТАНА. ҚазАқпарат  - «Порту» командасының қақпашысы Касильяс жасы 29-дан асқан ойыншыларға футболды дамытқаны үшін берілетін Golden Foot сыйлығының иегері атанды.

 36 жастағы испандық бұл марапат үшін күресте Криштиану Роналду, Лионель Месси, Мануэль Нойер, Тиагу Силва, Андреа Пирло, Яя Туре, Серхио Рамос, Арьен Роббен және Луис Суарес тәрізді саңлақтарды артқа тастады.

Икер Касильяс өз спорттық жолында  Чемпиондар лигасында  үш рет жеңіске жетті және әлем чемпионатында мерейі үстем болды, сондай-ақ Испания құрамасы сапында  екі рет Еуропа чемпионы атанды.

Бұдан басқа атақты қақпашы рекорд иесі. Ол Чемпиондар лигасындағы матчтарға 166 рет қатысқан, деп жазады sportarena.com.

Атап өткен жөн, бұл сыйлықтың ерекшелігі,  оны өмірде бір рет қана ұтып алуға болады. Өткен жылы аталмыш марапат басқа қақпашы - Джанлуиджи Буффонға бұйырған еді. Ол Golden Foot ұтқан тұңғыш қақпашы.

Бұған дейінгі Golden Foot иегерлері болғандар:

2003 - Роберто Баджо (Италия)

2004 - Павел Недвед (Чехия)

2005 - Андрей Шевченко (Украина)

2006 - Роналдо (Бразилия)

2007 - Алессандро Дель Пьеро (Италия)

2008 - Роберто Карлос (Бразилия)

2009 - Роналдинью (Бразилия)

2010 - Франческо Тотти (Италия)

2011 - Райан Гиггз (Уэльс)

2012 - Златан Ибрагимович (Швеция)

2013 - Дидье Дрогба (Кот-д'Ивуар)

2014 - Андрес Иньеста (Испания)

2015 - Самюэль Это'О (Камерун)

2016 - Джанлуиджи Буффон (Италия)