Голливудте 2008 жылғы Кавказдағы соғыс туралы фильм түсіріледі
АСТАНА. Тамыздың 5-і. ҚазАқпарат - Голливудте 2008 жылғы Кавказдағы соғыс туралы фильм түсіріледі. Голливудтық режиссер және продюссер Ренни Харлин былтыр тамыз айында Кавказда болған оқиға туралы фильм түсіргелі отыр.
Фильм түсірілімі қыркүйек айында басталады, деп хабарлайды ҚазАқпарат «Маяк» радиостансасына сілтеме жасап.
Ол «антисоғыстық драма» болмақ. Фильм сюжеті әзірге жария етілмеген.
Ренни Харлин көрермендерге "Қатты жаңғақ-2" және «Терең көк теңіз» деген фильмдерімен таныс.
