Головкин-Альварес жекпе-жегінің билеттері қанша тұрады

АСТАНА. ҚазАқпарат - 5 мамырда Лас-Вегастағы T-Mobile Arena-да өтетін Геннадий Головкин (37-0-1, 33 КО) мен Сауль Альварес (49-1-2, 34 КО) қарымта жекпе-жегін тамашалау үшін жанкүйерлердің қанша қаржы жұмсайтыны белгілі болды, деп хабарлайды Sports.kz.

Билеттер 27 ақпаннан бастап сатылымға түседі және мынадай санаттар бойынша сатылмақ: 300 доллар (96 000 теңге), 500 доллар (160 000 теңге), 700 доллар (224 000 теңге), 800 доллар (256 000 теңге), 1 500 доллар (480 000 теңге), 2 000 доллар (640 000 теңге), 2 500 доллар (800 000 теңге) және 5000 доллар (1 600 000 теңге).

2017 жылы 16 қыркүйекте Лас-Вегастағы T-Mobile Arena-да өткен алғашқы жекпе-жектің бағалары да осындай болған еді. 

Фото: sports.kz