Головкин алғашқы айқаста басым түскен, бұл жолы да жеңеді - UFC президенті

АСТАНА. ҚазАқпарат - UFC президенті Дана Уайт қазақстандық Геннадий Головкин мен мексикалық Сауль Альварес арасында болатын рематчқа қатысты пікір білдірді, деп хабарлайды ҚазАқпарат «SPORTINFORM»-ға сілтеме жасап.

«Жекпе-жекке мен де барамын. Бізді аса қызық айқас күтіп тұр. Мен Головкинді бірінші кездесуде жеңді деп санаймын және алдағы айқаста ол тағы жеңеді», - деді Уайт.

GGG мен «Канело» арасындағы екінші жекпе-жек 16 қыркүйекте, Астана уақытымен 10:00-де басталады.