Головкин - Facebook-тегі ең танымал қазақстандық

АСТАНА. ҚазАқпарат - Pandaland.kz сайты Facebook әлеуметтік желісіндегі ең танымал 30 қазақстандықтың тізімін жасады.

Алғашқы орын 113 мың оқырманы бар Геннадий Головкиннің еншісінде. «Ол елінің мақтанышы ғана емес, кәсіби боксшының әр жекпе-жегін асыға күтетін жандар әлемнің түкпір-түкпірінде миллиондап саналады. Жанкүйерлер Facebook парақшаларында Геннадийдің әр айқасы жайлы видеоларды, фотосуреттерді жариялап, ол туралы жазылған мақалаларға өз пікірлерін білдіріп жатады. Біз егер орта салмақтағы әлемнің суперчемпионы қазақстандық спортшының Facebook-те өз парақшасы болса, жазылушылар бірнеше есе көп боларына сенімдіміз»,-деп хабарлайды сайт.

Сонымен қатар бұл тізімге тағы бір қазақстандық спорттың өкілі, «Астана» командасының автошабандозы Айдын Рахымбаев та еніп отыр. 3132 оқырманы бар Айдын 26-орында. Айта кетейік, бұл тізімде екінші орында продюсер Баян Есентаева, үшінші Аружан Саин. Сондай-ақ алғашқы ондыққа Михаил Кленчин, Әлішер Елікбаев, Мұрат Әбенов, Нұртас Адамбай, Құралай Нұрқаділова, Айдын Кәрібжанов, Александр Цой енді.