Головкин мен «Канело» қай күні ашық жаттығу өткізетіні белгілі болды
АСТАНА. ҚазАқпарат - Мексикалық Сауль Альварестің (49-1-2, 34 КО) промоутері Оскар де ла Хойя боксшылардың қашан және қайда ашық жаттығу өткізетінін айтты, деп хабарлайды Sports.kz.
Екі боксшының журналистер мен жанкүйерлер үшін ашық болатын жаттығуы 26 тамыз күні Лос-Анджелестегі (Калифорния штаты, АҚШ) Banc of California стадионында болады. Ол биылдан бастап MLS лигасында өнер көрсететін «Лос-Анджелес» футбол клубының үй стадионы.
«Канело» - GGG рематчы 15 қыркүйек күні Лас-Вегастағы T-Mobile Arena-да өтеді.
