Головкин мен Мюррей жекпе-жекке үш күн қалғанда бетпе-бет кездесті
АСТАНА. ҚазАқпарат - WBA (Super), IBO және WBC (Interim) нұсқалары бойынша орта салмақтағы әлем чемпионы қазақстандық Геннадий Головкин мен 32 жастағы британдық Мартин Мюррей Монакода өткен баспасөз конференциясында бетпе-бет жүздесті, деп хабарлады Vesti.kz. тілшісі.
Еске салсақ, боксшылар арасындағы жекпе-жек Монакода 21-інен 22 ақпанға қараған түні өтеді. Тікелей эфирде НВО арнасы, ал Қазақстанда «Қазақстан» телеарнасы көрсететін болады.
