Головкин - Монро жекпе-жегі мамыр айындағы басты 10 кездесудің бірі болмақ
АСТАНА. ҚазАқпарат - Championat.com сайты мамыр айындағы маңызды жекпе-жектердің аңдатпасын жасады. Солардың қатарында Геннадий Головкин мен кіші Вилли Монроның кездесуі бар.
«33 жастағы қазақстандық боксшы Геннадий Головкин WBA нұсқасы бойынша орта салмақтағы әлем чемпионы атағын қорғау үшін 14-ші рет жекпе-жекке шығады. Еуропадағы кездесуден соң Геннадий АҚШ-қа оралады. Калифорниядағы оның жекпе-жегі бокс кешінің басты оқиғасы болмақ. Кездесу HBO телеарнасынан көрсетіледі. Бұл жолы қазақстандықпен өткен жылғы „ESPN's Boxcino" турнирінің жеңімпазы, 28 жастағы америкалық кіші Вилли Монро бақ таластырады, деп хабарлады sports.kz.
