Головкин Роналдудың шақыруымен Чемпиондар Лигасының финалдық ойынын тамашалады
АСТАНА. ҚазАқпарат - Геннадий Головкин командасымен бірге мадридтік «Атлетико» мен «Реал» арасында өткен Чемпиондар Лигасының финалдық ойынына барды, деп хабарлайды Sports.kz.
Корольдік клубтың жеңісінен кейін GGG португальдықты матчқа шақыруы үшін Instagram-да алғыс айтып, сәйкес фотосын жариялады.
«Мадридтік «Реалды» 2016 жылы Миланда ЧЛ финалындағы жеңісімен құттықтаймын! Шақыруы үшін Криштиану Роналдуға айрықша алғыс. Біз Сан-Сиро стадионында тамаша кеш өткіздік»,-деп жазды еш жеңіліп көрмеген қазақстандық.
