Головкин титулды қорғау саны бойынша Хопкинс рекордын басып озғысы келеді
АСТАНА. ҚазАқпарат - Worldboxingnews.net орта салмақтағы әлем чемпионы Геннадий Головкиннің жаттықтырушысы Абель Санчестің айтуынша, қазақстандық 160 фунтта титулды қорғау бойынша Бернард Хопкинстің рекордын басып озғысы келеді, деп жазды Sports.kz.
Доминик Уэйдпен жекпе-жек GGG үшін қатарынан 16-шы рет чемпиондық белдікті қорғау болады. Осылайша, Геннадий биографиясында орта салмақта шыққан уақытында 20 айқасы болған Бернард Хопкинстің рекордына жақындап қалды.
«Хопкинстің рекордын басып озу Геннадийдің қызметтік тізімі үшін тамаша болар еді. Уэйд - біздің келесі қадамымыз. Біз сақадай-сай дайындықты жоспарлаудамыз», - деді Санчес.
