Головкин жанкүйер болып жүрген Р.Роузи алғаш рет жеңіліс тапты
АСТАНА. ҚазАқпарат - Жеңіл салмақтағы UFC чемпионы Ронда Роузи (12-1) Холли Холммен (10-0) айқаста ауыр жарақат алып, титулынан айырылып қалды.
Роузи қарсыласын шабуылдауға жанталаса кірісті. Бірақ бұл әрекетінен түк шықпады. Холли сол жақтан Рондаға тұрақты түрде ауыр соққылар дарытып, бірінші раундтың өзінде-ақ чемпионға қауіп төндірді.
Екінші бес минуттықта Ронда еш өзгеріс енгізбеді. Есе қайтару да көп күттірмеді. Холм қарсыласын кезекті сол жақ соққыларымен есеңгіретіп, басынан теуіп, нокдаунға жіберді.
