Головкиннің әлеуетті қарсыласы -Альварес сотқа шақырылды

АСТАНА. ҚазАқпарат - Тілші Дэн Рафаэльдің ESPN сайтында хабарлауынша, Геннадий Головкиннің әлеуетті қарсыласы Сауль Альварес сот шақырылды, деп хабарлайды Sports.kz.

Канелоның бұрынғы промоутері кіші Феликс «Туто» Сабала Golden Boy компаниясын сотқа берді. Оның айтуынша, 2008 жылы Оскар Де Ла Хойя Сабала төртжылдық келісімшарт орнатқан Альваресті одан «ұрлап» алды.

Арыз сотқа сонау 2011 жылы берілгенін, бірақ істі қарау қандай да бір себептермен кейінге қалдырыла бергені хабарланып отыр. Процесс дүйсенбі күні қайта басталды, оған Альварестің өзі, Golden Boy Promotions компаниясының басшысы Оскар Де Ла Хойя, вице-президент Эрик Гомес, менеджер Хосе «Чепо» Рейносо, сондай-ақ жаттықтырушы Эдди Рейносо қатысты. Сот процесі 2-3 аптаға созылатыны күтіліп отыр.