Головкиннің болуы мүмкін қарсыласы әлем чемпионы атағын қорғады
АСТАНА. ҚазАқпарат - Америка боксшысы Дэниел Джейкобс өз отандасы Серхио Мораны жеңіп, Дүниежүзілік бокс қауымдастығының (WBA) нұсқасы бойынша әлем чемпионы атағын қорғап шықты.
Сенбі күні Нью-Йорк қаласында өткен жекпе-жек Джейкобстың жеңісімен, екінші раундта техникалық нокаутпен аяқталды, деп жазады sports.kz.
Джейкобс кәсіби рингтегі 30-шы жекпе-жегінде басым түскен, соның ішінде 27-сі - нокаут, бір рет қана жеңілді. Мора болса, 28 рет жеңіп (соның ішінде 9-ы - нокаутпен), 4 рет ұтылған және екі айқасы тең аяқталды.
