Головкиннің Канеломен алғаш рет көз арбасқан сәті

АСТАНА. ҚазАқпарат - Бүгін Лас-Вегаста өткен бокс кешінен кейін Сауль "Канело" Альварес пен Геннадий Головкингің жекпе-жегіне арналған баспасөз мәслиxаты өтті. Сол жеде екі боксшы алғаш рет көз арбасты, деп xабарлайды ҚазАқпарат тілшісі.

Айта кетейік, бүгін Сауль Альварес өзінің жерлесі - кіші Чавесті жеңгеннен кейін рингке Геннадий Головкинді шақырды. Сол жерде екі боксшы ағымдағы жылы 16 қыркүйек күні жұдырықтасатынын мәлімдеді. «Бұл жолы басқа оқиға болады. Қыркүйекте Big Drama Show болады. Бүгінгідей ұлы айқас болғалы тұр.  Саульді бүгінгі жеңісімен құттықтаймын. Ол менің мансабымдағы ең үздік қарсыласым болмақ. Қыркүйекті күтіңіздер. "Канелоға" не деймін? Қыркүйекте кездескенше!» - деді Головкин рингте комментатор және HBO жүргізушісі Макс Келлерманның сұрағына жауап бере отырып .  

WBA Super, WBC, IBF және IBO нұсқасы бойынша орта салмақтағы әлем чемпионы, қазақстандық Геннадий Головкин осы уақытқа дейін 37 жекпе-жек өткізіп, бірде-бір рет жеңіліп көрмеген. GGG кәсіби бокстағы 33 жекпе-жегін нокаутпен аяқтады. Ал Сауль «Канело» Альварестің 49 рет жеңіске жетіп, 1 рет жеңілген және 1 рет тең нәтиже көрсеткен.