Головкиннің промоутері «Канелоның» орнына қарастырылатын кандидаттарды тізіп берді
Бүгін мексикалықтың промоутері Оскар де ла Хойя келісімшарттың қаржылық бөлігі бойынша ымыраға келу қиын болғандықтан, «Канело» - GGG арасындағы кезекті жекпе-жек болмайтынын, 15 қыркүйекте Альварес Дэниэл Джейкобспен жұдырықтасуы мүмкін екенін айтқан болатын.
- Оскар де ла Хойя миллион доллар үшін кім көрінгенмен немесе 20 миллионға «Канеломен» жұдырықтасуларыңызға болатынын айтты.
- «Канеломен» кездесуден бұдан да көп ақша түсуі мүмкін. Бірақ GGG Билли Джо Сондерс, Сергей Деревянченко немесе Джермалл Чарлолармен кездессе, бұлар да айтулы жекпе-жектер қатарына кіретін еді. Бұл жерде «үлкен» немесе «кіші» жекпе-жек деген ұғым жоқ, егер «Канеломен» кездесудің бұл жолы да сәті түспесе, Геннадий онсыз да жақсы кездесулер өткізе алады.
- WBC егер Головкин «Канеломен» кездеспейтін болса, онда Джермалл Чарлоға қарсы рингке шығуы тиіс екенін мәлімдеді...
- Чарломен жекпе-жек айтулы кездесу болуы мүмкін. Қазір бізде IBF және WBC тұжырымдары арасында «үміткерлердің қақтығысы» болып жатыр. Екі тұжырым да міндетті үміткерлерін бекітті. Бокста қазір алуан түрлі саясат бар, біз бір шешімге келуіміз керек. Соңғы үш жылдан бері де барлық титулдарды біріктіруге ұмтылып келеміз. Біз бұған әлі де қол жеткізе аламыз. Билли Джо Сондерс таяуда ғана өзінің алдағы жекпе-жегі болмайтынын жариялады. Егер «Канеломен» кездесудің сәті түспесе, ол басты үміткерлердің бірі болуы мүмкін.