Головкиннің тәлімгері Sports Illustrated нұсқасы бойынша жыл бапкері атанды
АСТАНА. ҚазАқпарат - Қазақстандық боксшы Геннадий Головкиннің тәлімгері Абель Санчес жылдың үздік бапкері ретінде Sports Illustrated басылымының наградасына лайық деп танылды, деп хабарлады Sports.kz.
Сондай-ақ, бұл номинацияда жеңіске Сауль Альварестің тәлімгері Эдди Рейносо, Тайсон Фьюридің бапкері Питер Фьюри, өз ұлымен жұмыс істейтін аға Флойд Мейвезер, Скотт Куигг бапкері Джо Галлахер үміткер болды.
Басылым журналистері Санчесті таңдауды жөн санады, себебі Головкин оның тәлімгерлігімен әлемдегі үздік боксшылардың бірі атанды.
