Гонконг жағалауында танкер өртеніп жатыр, қаза тапқандар бар

АСТАНА. ҚазАқпарат - Гонконг акваториясында мұнай танкерінің бортында болған өрт салдарынан бір адам қаза тауып, тағы үшеуі із-түссіз жоғалды. RTHK телерадио хабарларын тарату корпорациясының хабарлауынша, экипаждың 22 мүшесі құтқарылған.

Оқыс оқиға сейсенбі күні жергілікті уақыт бойынша сағат 11:00 шамасында, Ламма аралына жақын жерде болған. Куәгерлердің айтуынша, борттан жарылыстардың дыбысы шыққан, кемеден қара түтін будақтап шығып жатыр.

Апат орнында құтқару қызметтері жұмыс істеуде. Танкер Вьетнамда тіркелген.