Google 3D-түсірілім функциясы бар планшет шығарады
АСТАНА. ҚазАқпарат - Google 3D-түсірілім функциясы бар Project Tango планшеттерін шығарады, деп хабарлайды The Wall Street Journal.
Келтірілген деректерге қарағанда, келер жылы компания аталмыш құрылғының 4000 данасын шығаруды жоспарлап отыр.
Google шығаратын жаңа планшеттің көлемі 7 дюйм (1 дюйм - 25 мм шамасында), оның артқы панелінде бейнекамера мен түсіріліп жатқан объектіге дейінгі арақашықтықты өлшей алатын инфрақызыл қондырғы орнатылады.
Естеріңізге сала кетейік, Google ақпан айында Tango прототипінің таныстырылымын өткізген болатын.
