Горан Иванишевич Елена Рыбакинаның бапкері болды

АСТАНА. KAZINFORM — Хорватиялық маман Горан Иванишевич Қазақстанның бірінші, әлемнің бесінші ракеткасы Елена Рыбакинаның бапкері болды.

Бұл туралы Эр-Риядта (Сауд Арабиясы) WTA қорытынды турниріне орай өткен баспасөз мәслихатында теннисшінің өзі мәлімдеді.

Биыл Горан Иванишевич сербиялық, «Үлкен дулыға» жарысының 24 дүркін чемпионы Новак Джоковичпен бес жылдан астам уақытқа созылған бапкерлік байланысты аяқтады.

Елена Рыбакинаның жаттықтырушысы болғанын Иванишевичтің өзі әлеуметтік желіде растады.

Бүгін Елена Рыбакина WTA қорытынды турнирінде бастапқы кездесуін әлемнің төртінші ракеткасы, Италия өкілі Жасмин Паолинимен өткізеді.

Еске сала кетейік, бұдан бұрын Елена Рыбакина бақ сынайтын WTA қорытынды турнирінің жеребесі тартылғанын жазған болатынбыз.