Грекияда босқындар полициямен қақтығысты
АСТАНА. ҚазАқпарат - Грекияда көршілес Македонияға өтпек болған мигранттар полициямен қақтығысты. Салдарынан тәртіп сақшылары оларға қарсы күш қолданған. Өйткені ашуға булыққан босқындар екі елді бөліп тұрған қоршау арқылы секірмекші болыпты.
Негізі, соңғы уақытта өңірдегі жағдай қатты ушығып тұр. Себебі бұған дейін Македония Грекиямен арадағы шекарасын жауып тастаған болатын. Салдарынан Идоменидегі босқындар лагерінде бүгінде 12 мыңдай адам жиналып қалған. Олар негізінен Сирия, Ирак пен Ауғанстан азаматтары екен, деп жазады 24.kz.
