Грекияның бұрынғы президенті қайтыс болды
АСТАНА. ҚазАқпарат - Грекияның бұрынғы президенті Константинос Стефанопулос 90 жаста Афина ауруханаларының бірінде көз жұмды. Оның өкпесі қабынған. Бұл туралы Франс Пресске сілтеме жасап РИА Новости хабарлады.
Константинос Стефанопулос 1926 жылы дүниеге келген. 1974-1981 жылдары үкіметте түрлі министрліктерді басқарды. 1995 жылы наурыз айында Грекия президенті болып сайланды. Өмірінің соңына дейін ол елдегі ең құрметті және танымал мемлекет басшыларының бірі болды.
