Григорий Ломакин Қытайдағы жарыстың жартылай финалында ойнайды
АСТАНА. KAZINFORM — Қазақстандық теннисші Григорий Ломакин жұптық сында Мааньшан (Қытай) ITF M15 турнирінің жартылай финалына шықты.
Жарыстың бірінші ракеткасы болып тіркелген қазақстандық теннисші аустралиялық Джошуа Чарльтонмен бірге екі кездесуін сәтті өткізді.
Қазақстандық-аустралиялық жұп ширек финалда таилықтар Танапет Чанта – Павит Сорнлаксуппен шеберлік байқасты.
Бірінші партияда таилық дуэт басымдылық танытты – 7:5. Дегенмен бұдан кейін Ломакин – Чарльтон камбэк жасай білді – 6:3, 10:4.
Григорий Ломакин – Джошуа Чарльтон финалға шығу үшін қытайлықтар Женшонг Донг – Аарон Вангпен таласады.
Еске сала кетейік, бұдан бұрын Жібек Құламбаеваның Болгариядағы жарыстың ширек финалына өткенін жазған едік.
