Гроссмейстер Д.Садуақасова жас шахматшылардың шеберлігін сынап көрді (ФОТО)

АСТАНА. ҚазАқпарат - Бүгін Астанада әуесқойлар арасында Халықаралық шахмат күніне арналған турнир өтті. Қаланың жас шахматшылары әлемнің үш дүркін чемпионы, халықаралық гроссмейстер Динара Садуақасовамен бір уақытта ұйымдастырылған сеансқа қатысып, бақ сынап көрді, деп хабарлады қалалық әкімдіктің баспасөз қызметінен.

Халықаралық шахмат күні Әлемдік шахмат федерациясының бастамасымен 1966 жылдан бері аталып келеді. Бұл күні түрлі спорт шараларын өткізу Астанада игі дәстүрге айналған. Биыл өнер, ғылым мен спортты ұштастырған спорттық сайыс «Шахмат аллеясында» өтті. Шараға Астана қаласы туризм, дене шынықтыру және спорт басқармасының басшысы Берік Маржықпаев, шахматтан әлем чемпионы Дәрмен Садуақасов қатысты.