Грузия президенті Үкімет басшысы лауазымына 31 жастағы И. Гарибашвилиді тағайындады

Үкімет басшысы лауазымында Гарибашвили «Грузиялық арман» көшбасшысы миллиардер Бидзина Иванишвилиді алмастырды. Ол өзі отставкаға кететінін алдын-ала мәлімдеген. Гарибашвили парламентке жаңа министрлер кабинетін бекітуге ұсынды», - деп хабарлайды БАҚ.

«Айқын» газетінің жазуынша, 31 жастағы И. Гарибашвили 2004-2012 жылдар аралығында Иванишвилиге тиесілі CartuGroup компаниясының әр түрлі мекемелерінде басшылық қызметте болған. 2012 жылдың қазан айынан И. Гарибашвили ІІМ басшысы қызметін атқарды.

Б.Иванишвили өзінің ізбасарын: «Ол өте бейімді адам, күнделікті жұмысының арқасында ол бір жылдың ішінде елде еуропалық сипаттағы полиция қызметін жөнге келтірді», - деп таныстырды.