Гуанчжоудағы XVI Азия ойындарында жерлесіміз О. Довгун оқ ату сайысы бойынша күміс медальды иеленді
БЕЙЖІҢ-ГУАНЧЖОУ. 15 қараша. ҚазАқпарат /Руслан Сүлейменов/ - Гуанчжоуда өтіп жатқан XVI Азия ойындарында оқ ату сайысындағы дара санатта қазақстандық мерген Ольга Довгун бүгін күміс алқаны қанжығасына байлады.
Қорытындысында Қазақстан құрамасының қоржынында әзірге үш күміс және жеті қола медаль бар. Жүлделік есеп бойынша Қазақстан екі сатыға жоғарлап, 8-орынға шықты. Жалпыкомандалық бейресми есепте Қытай құрамасы алда келеді, олардың еншісінде 70 жүлде, оның 40-ы алтын. Екінші және үшінші орындарда Оңтүстік Корея мен Жапония елдері тұр.
