Гватемалада 600 келіден астам кокаин тәркіленді
МЕХИКО. ҚазАқпарат - Гватемалада Панамадан келген кемеден 600 келіден астам кокаин тәркіленді. Бұл туралы дүйсенбіде Гватемала прокуратурасы Twitter-де жазды, деп хабарлайды ҚазАқпарат.
«Есірткіге қатысты қылмыстарға қарсы күрес прокуратурасы полициямен бірлесіп, екі контейнерді тексеру рәсімін аяқтады, олардан жалпы саны 616 бумаға салынған екі келіден астам кокаин табылды», - делінген хабарламада.
Есірткі партиясы елдің Кариб теңізі жағалауындағы Санто-Томас-де-Кастилья портына кірген кемедегі екі контейнердің ішіне жасырылған.
Өткен жылы Гватемалада 13,6 тоннадан астам кокаин тәркіленген болатын.
Есірткі саудагерлері АҚШ-қа есірткі жөнелтілімдерін тасымалдау үшін Гватемала аумағын жиі пайдаланады. Тасымалдау үшін олар көбінесе қайықтар мен жеңіл ұшақтарды пайдаланады.
