Гватемалада жанартауға шықпақ болған алты адам ажал құшты
АСТАНА. ҚазАқпарат - Гватемалада Акатенанго жанартауына шықпақ болған алты адам қаза тапты. Бұл туралы ұлттық апат салдарымен күрес орталығы хабарлады. Туристер үсіп өлген.
Олар бірнеше топ болған. Қайғылы жағлай жанартау аумағында күн күрт суытып кеткеннен кейін орын алған. Туристер түнді өткізбек болған шатырда жел гулеп тұрған. Олардың суықтан қорғануға еш мүмкіндіктері болмаған. Қазір жанартауда құтқару операциясы жалғасуда.
Акатенанго жанартауы Гватемаланың оңтүстік-батысында Чимальтенанго департаментінде орналасқан.
