Гватемаладағы көшкін құрбандарының саны 280 адамға жетті
АСТАНА. ҚазАқпарат - Гватемаладағы Санта-Катарина-Пинула қаласында болған көшкін салдарынан қаза тапқандардың саны 280 адамға жетті, деп хабарлады Гватемала прокуратурасы өзінің Twitter-дегі шағын блогында.
Осыған дейін 271 адам ажал құшты деп хабарланған. Табиғи апат салдарымен күрес жөніндегі Ұлттық үйлестіру орталығының ақпаратынша, 350-ден астам адам үйіндінің астында қалған болуы мүмкін.
Қайғылы оқиға 1 қазанда орын алды. Сол уақыттан бері бұл жерде құтқару жұмыстары жүріп жатыр, деп хабарлады РИА Новости.
