Хакер банк тонады ? Ресей

МӘСКЕУ. Ақпанның 16-сы. ҚазАқпарат – Ресей Федерациясы Бас прокурорының орынбасары Виктор Гринь «Альфа-банк» клиенттерінің есепшоттарынан ақша ұрлағаны үшін айыпталған Воронеж облысының Борисоглебск қаласының тұрғыны Дмитрий Фоминге қатысты қылмыстық іс бойынша айыптау түйіндемесін бекітті,

деп хабарлайды ҚазАқпарат Utro.ru сайтына сілтеме жасап.2007 жылдың мамыр айында Фомин үйдегі компьютерінің көмегімен және интернет арқылы «Альфа-Банк» ААҚ- клиенттерінің аты-жөндері мен парольдері туралы мәліметті заңсыз жолмен алады. Есепшот иелерінің атынан әрекет еткен Фомин, «Альфа-Капитал Индекс ММВБ" инвестициялық қорының жалпы құны 266 мың рубль сома тұратын инвестициялық пайларын сатып алады да, оларды өз атына рәсімдейді. Содан кейін Фомин «Альфа-Капиталға» аталған пайлардың құнын төлеу туралы өтініш жазады. Өз есепшотына аударылған 266 мың рубльді Фомин банкоматтар арқылы алады. Тергеу барысында Фоминге ҚР Қылмыстық кодекстің 272-ші бабы 1-тармағы бойынша («Компьютерлік мәліметтерге заңсыз қол жеткізу» факті), 159-шы баптың 2-тармағы бойынша («Алаяқтық» факті),174.1-ші баптың 1-тармағы бойынша («Қылмыс жасау нәтижесінде тапқан ақша қаражатын заңдастыру» факті) айыптаулар тағылып отыр.