Хакерлер 41 млн доллардың биткоиндарын қолды етті
НҰР-СҰЛТАН. ҚазАқпарат - АЗЕРТАДЖ - Хакерлер криптовалюталарды айырбастайтын ірі онлайн-сервистердің біріне шабуыл жасады, деп хабарлайды ҚазАқпарат АЗЕРТАДЖ агенттігіне сілтеме жасап.
Binance сервисінің сайтында жарияланған мәлімдемеге сәйкес, хакерлер «мәліметтерге ірі көлемде зиян келтіріп», 7 мың биткоинді ұрлаған. TechCrunch интернет-порталының жазуынша, бұл 41 млн долларға тең.
Компанияның ақпаратына сәйкес, кибершабуыл кезінде, сондай-ақ АРІ кілттері (тіркеу жазбасын идентификациялайтын құпия код), екі факторлы идентификация кодтары және жариялануға жатпайтын өзге де деректер ұрланған.
«Өкінішке қарай, сервисті бұзғанға дейін қаржыны шығарып үлгермедік», - делінген мәлімдемеде.
Хакерлер Binance-та орналасқан жалпы биткоиндардың 2 процентке жуығын қолды еткен. Онлайн-сервис қолданушыларға барлық шығынды өтеп беруге уәде етті. Компанияда тергеу аяқталғанша қаржыны толықтыру және шешіп алу процедуралары уақытша бұғатталды.
