Халықаралық іздеуде жүрген 32 жастағы маңғыстаулық Түркияда ұсталды
Түркия Республикасының аумағында Маңғыстау облысының Полиция департаменті тұтқындау және экстрадициялау мақсатында халықаралық іздеу жариялаған 32 жастағы жігіт ұсталды, деп хабарлайды Kazinform.
Күдікті "Oceans Enterprise” компаниясының атынан әрекет ететін алаяқтық топ ұйымдастырушыларының бірі болған.
Сондай-ақ әлеуметтік желіде Smart Trade Сoin деп аталатын криптовалютаны сатып алу арқылы жылдам ақша табу мүмкіндігі туралы ақпаратты таратумен айналысып келген.
- Сотқа дейінгі тергеу барысында 60-тан астам жәбірленушіден өтініш түскен. Алданған азаматтарға келтірілген шығын көлемі - 212 млн теңге. Қазақстанның Түркиядағы елшілігімен тығыз қарым-қатынас жасай отырып, ол Астана қаласына жеткізіліп, қамауға алынды, - деді Маңғыстау облыстық Полиция департаментінің баспасөз қызметінен.
