Halyk bank-тің еншілес ұйымы Өзбекстанда Tenge Bank атауын алды
АСТАНА. ҚазАқпарат - «Қазақстанның халық банкі» АҚ-тың еншілес банкі Өзбекстанда Tenge Bank атауын алды, деп хабарлайды ҚазАқпарат тілшісі.
Халық банкі Қазақстанның қор биржасын Өзбекстанда «Tenge bank» акционерлік коммерциялық банкінің құрылғандығы туралы хабарлады. Еншілес банк Ташкент қаласында орналасқан. Сәйкесінше шешімді 6 қыркүйек күні Директорлар кеңесі қабылдаған.
Естеріңізге сала кетейік, шілде айында Қазақстан Ұлттық банкі мен Өзбекстан Орталық банкі арасында банктік қадағалау саласындағы өзара іс-қимыл туралы келісімге қол қойылғаннан кейін қазақстандық реттеушінің басшысы Данияр Ақышев қазақстандық банктердің өзбек нарығына кіре алатындығын айтқан болатын.
