Халық тұтынатын тауарлардың ірі контрабандасын ШҚО кеденшілері Ташкент-Новосібір жолаушылар пойызында анықтады

ӨСКЕМЕН. Қарашаның 26-сы. ҚазАқпарат /Людмила Малько/ - Халық тұтынатын тауарлардың ірі контрабандасын Шығыс Қазақстан облысының кеденшілері Ташкент-Новосібір бағытындағы жолаушылар пойызында анықтады. Тексеруден жасырылған тауарлардың жалпы құны 12 миллион теңгені құрайды,

деп хабарлайды баспасөз қызметі.

Сөмкелерді қарау кезінде түрлі үлгідегі 4 800 джинси шалбарлары, сүлгілер, көрпелер, перделер табылды. Тауарлар сату үшін Ресейге бағытталған.

Қазір осы факті бойынша тергеуге дейінгі тексеру шаралары жүргізілуде.