Халықаралық байқауда батысқазақстандық «Қыз Жібек» тобы бас жүлдені жеңіп алды (ФОТО)
ОРАЛ. ҚазАқпарат - Астана қаласында мәреге жеткен халықаралық «Ақ көгершін» байқауында БҚО-ның Қазталов ауданы Жалпақтал ауылынан барған «Қыз Жібек» тобы дәстүрлі ән аталымы бойынша бас жүлдені жеңіп алды.
Батыс Қазақстанға белгілі әнші-термеші, сазгер, халықаралық, республикалық байқаулардың лауреаты, Қазақстан халық ағарту ісінің үздігі, «Ерен еңбегі үшін» медалінің иегері Баян Қабиева жетекшілік ететін өнер ұжымы байқауда «Смуглянка», «Аһ, Самара, қаласы» әндерін шебер орындады. Сондай-ақ халық әндері мен термелерден жасаған попурриі де сәтті шықты. Сонымен қатар осы топтың мүшесі Венера Асқарова жеке орындауда бас жүлдені иеленді.
