Халықаралық ғарыш стансасына Максим Сураев, Джеффри Уильямс және Ги Лалиберте аттанады
АСТАНА. Қыркүйектің 29-ы. ҚазАқпарат - Сәрсенбі күні Халықаралық ғарыш стансасына аттанатын «Союз ТМА-16» кемесінің бортына ресейлік ғарышкер Максим Сураев, НАСА астронавты Джеффри Уильямс және канадалық ғарыш туристі Ги Лалиберте көтеріледі.
Байқоңырда халықаралық ғарыш стансасына кезекті экспедицияға аттанатын 21-ші экспедицияның құрамын бекіткен Мемлекеттік комиссия бүгін осындай нақты ұйғарым жасады, деп хабарлайды ИТАР-ТАСС.
Максим Сураев пен Джеффри Уильямстың сапары жарты жылға созылады. Ал турист орбитада 11 тәуліктей болады және Жерге қазанның 11-інде 20-шы экспедицияның экипажымен - Геннадий Падалка және Майкл Барратпен оралады.
