Халықты жұмыспен қамту орталығы 8 мыңнан астам бос жұмыс орнын ұсынуда
АСТАНА. ҚазАқпарат - Жыл басынан бері 5 188 адам Халықты жұмыспен қамту орталығына бос жұмыс орындарын іздеп келген. Олардың 58 пайызы жұмыссыздықтан қорғау шараларымен қамтылды, деп хабарлайды Астана әкімдігінің баспасөз қызметі.
Атап айтқанда, 1874 адам жұмысқа орналастырылған, оның ішінде 107-сі әлеуметтік жұмыс орындарына, 313 адам жастар практикасына жіберілді. Тағы 1028 адам уақытша жұмыспен қамтамасыз етілді.
Бүгінгі таңда Астана қаласының Халықты жұмыспен қамту орталығына 1 023 жұмыс беруші 8 мыңнан астам бос жұмыс орнын ұсынуда.
