«Халықтық IPO» Бағдарламасын іске асырудың негізгі мәселелерін түсіндіру бойынша оқыту медиа-семинары өтеді
АСТАНА. 22 маусым. ҚазАқпарат - Бүгін Астана қаласында ҚР Президенті Н.Ә.Назарбаевтың бастамасымен «ҚазТрансОйл» АҚ Қазақстандық Баспасөз клубымен бірлесе отырып «Самұрық-Қазына» ұлттық әл-ауқат қорының еншілес және оған байланысты
компаниялардың акция пакеттерін бағалы қағаздар нарығына шығару» мемлекеттік бағдарламасының аясында («Халықтық IPO» бағдарламасы) «Халықтық IPO» Бағдарламасын іске асырудың негізгі мәселелерін түсіндіру бойынша арнайы оқыту медиа-семинарын өткізуде.
Бағдарламаның басты мақсаттары - Қазақстан тұрғындарына өздерінің ұзақмерзімді жинақтауларын инвестициялау үшін ірі компаниялардың акцияларын иелену мүмкіндігін беру және Қазақстандағы бағалы қағаздар нарығы үшін жағдайларды қамтамасыз ету.
Семинардың мақсаты - журналистердің Халықтық ІРО Бағдарламасын жариялаудағы кәсіби деңгейлерін, эмитент-компаниялардың және жалпы алғанда қор нарығының рөлін көтеру.
Семинарға «Самұрық-Қазына» Ұлттық әл-ауқат қоры АҚ, «ҚазТрансОйл» АҚ, Қазақстандық қор биржасы, бағалы қағаздар нарығының кәсіби қатысушылары және тағы басқалар қатысады.
