Халықтың құқықтық сауатсыздығы алаяқтықтың артуына сеп болады
АСТАНА. ҚазАқпарат - Бүгін Астана қаласының Ішкі істер департаментінде «Азаматтарға қатысты жасалатын алаяқтыққа қарсы әрекет ету бойынша алдын алу жұмыстары» тақырыбында семинар-кеңес өтті, деп жазады astana.gov.kz.
Елорда әкімдігінің баспасөз қызметінің хабарлауынша, көп жағдайда алаяқтық жылжымайтын мүлік, көлік немесе жер телімін сатып алу кезінде орын алады. Жыл басынан бері қалада 3 000 астам алаяқтық фактісі тіркелген. 500-ден астам қылмыстық іс өндіріске алынып, сотқа жолданды. Алаяқтыққа қарсы тұру - ішкі істер органдарының басты міндеттерінің бірі. Заңға қайшы әрекеттердің артуына халықтың құқықтық сауатсыздығы сеп болады.
